Legg til hele avisrapporten i min rapport

Fjuken

Lokalavisa Fjuken vart starta som eit folkeeigd aksjeselskap (Skjåk Mediautvikling AS) i 1989. Etter ein trong «fødsel», med mykje prøving og feiling, såg fyrste nummer av lokalavisa dagens ljos 6. april det året. Den ferske Fjuken vart sendt ut til om lag 400 abonnentar, og før året var omme var talet oppe i 1.000 ab. Fjuken feira 30-årsjubileum i 2019, med spesialutgåver av avisa og markeringar elles. Fjuken held til i eige avishus, har eitt avdelingskontor, gode arbeidstilhøve og stabile medarbeidarar. Med om lag 3.900 i opplag har Fjuken svært god dekning i Ottadalen. Kring 1.500 av abonnentane er utfløtte dølar. For dei er Fjuken svært viktig, som bindeledd til heimbygda og som «brevet frå heime».

Gå til fjuken.no

Fakta

Samlet opplag 3879

Utgiversted Skjåk

Ansvarlig redaktør Hans Erik Kjosbakken (55)

Kommer ut Torsdagar

Daglige lesere totalt

Daglige brukere på nett

Daglige brukere på mobil

Fordeling lesere

Antall sider produsert

1492

Redaksjonelle årsverk

Fordeling stoff/annonser

Antall lederartikler

Antall kommentarer

Antall innlegg på nett

153

Refuserte innlegg på nett

Antall leserinnlegg

153

Fjuken har i ein miniserie intervjua tre personar med psykiske utfordringar. Fleire enn vi trur slit med «usynlege» sjukdomar, og det er mellom oppgåvene våre å lyfte slike saker og tema fram. Den fyrste ut i denne serien var den kjende folkemusikaren Bjørn Kåre Odde.

Mål og prioriteringar

Fjuken skal vera den mest lesne avisa i dekningsområdet, både på papir og nett. Vi har tidlegare hatt undersøkingar som syner at vi har vore det, og har ei god husstandsdekning på papir i dei tre kommunane vi dekkjer; Vågå: 37 %, Lom: 76 % og Skjåk: 84 % (uoffisielle tal).

Stadig fleire fylgjer oss digitalt, og over 60 prosent av komplettabonnentane har nå oppretta spid-brukar. Truleg har vi abonnentar vi ikkje hadde hatt om vi berre kom ut på papir.

Vi er tett på lesarane, alle kjenner alle i nedslagsfeltet, og alle veit «kven» Fjuken er. Det kan like gjerne vera ei ulempe som ein fordel. Konkurransen med andre lokale medium og sosiale medium, gjer at vi heile tida lyt finne eigne gode saker. Samstundes skal vi ha søkeljoset på kva det offentlege driv med, og fylgje lokalpolitikken tett.

Når det gjeld deling på Facebook er vi til ein kvar tid «på» for å luke ut upassande kommentarar.
Mange av dei nye reiskapane vi har teke i bruk gjev oss moglegheit til å sjå kva lesarane verkeleg les, kva dei helst vil ha - og kva som ikkje blir lese.

Fjuken skal spegle lokalsamfunna, både på godt og vondt. Vi har eit like stort ansvar for å syne fram dei positive sidene ved bygdene våre som dei negative, men frå lokalpolitikarane si side blir vi ofte oppfatta som negative.

Fjuken skal gjeva lesarane opplevingar dei ikkje får andre stader. Med fleire andre medium i same dekningsområde, er det konkurranse om å vera fyrst ute med nyheiter. Her meiner vi sjølve at vi er nokså kjappe og er eit nyheitsmedium på nett. Alle sakene er også delt på Facebook, og mykje av trafikken kjem derifrå. Vi kjem ut med tre magasin i året, i tillegg til store aviser før jul.

Utfordringar

Talet på abonnentar verkar å vera jamt stigande. Rekruttering av nye lesarar får vi berre gjennom å levere godt stoff, noko vi heile tida strebar etter å gjera.

Vi trur ikkje at andre redigerte medium er den største konkurrenten, truleg heller ikkje sosiale medium. Den største utfordringa er kanskje at folk ikkje les i det heile teke. Det er òg ei utfordring å få med yngre lesarar

Vi meiner å vera bevisste på talet på oppdateringar, på kva saker som blir mest lese - og klar over at desse sakene kanskje ikkje er dei journalistfagleg beste. Det er likevel ei utfordring å vera «på» døgnet rundt, med ressursane vi har.

Vi forsøker å sjå dei ulike plattformene, papir og nett, som eitt produkt for lesarane. Det eine skal ikkje vera betre enn det andre.

Det kan vera utfordrande, i små kommunar som vi opererer i, at sentrale kommunale aktørar har ei oppfatning av Fjuken som negativ - avdi vi tek fatt i saker som kan vera vanskelege for kommmunen og som i sin tur kan føre til negative konsekvensar for innbyggjarane.

Vi skal heile tida arbeide for at Fjuken skal bety noko for ottadølane. Det dei får i Fjuken, får dei berre der - og dei må lesa Fjuken for å få det.

Avisas samfunnsrolle

Vi er medvetne ansvaret vi har for å gjeva lesarane god og sakleg informasjon – og elles godt lesestoff. Vi skal aldri bli tekne for å gje lesarane «fake news».

Vi ser etter emne der vi kan gjera ein forskjell, og hadde mellom anna før jul ein «trilogi» der vi intervjua ottadølar som slit med psykisk helse.

Næringslivssaker er stadig populære. Det å leggje ned butikkar eller etablere nye, er saker som blir lesne. Men, det er hendingsnyheitene, ulykkene, som dreg mest lesarar.

Mest lese på nett 2019

(henta frå Tableu)

Utforkøyring i Skjåk 12.618
Trafikkulykke i Skjåk 7.946
Blåljosaktivitet i Lom også onsdag kveld 6.682
Omkom i bilulykke 5.790
For fort i Vågå 5.640
Kvinne henta av luftambulansen 5.571
Dei involverte i ulykka er frå Ottadalen 4.976
Leiteaksjon igangsett i Lom 4.917

Totalt hadde vi over 4,5 millionar visningar mot 3,3 millionar i 2018.

Journalistfagleg vurdering

Vi har svært tett dialog i redaksjonen, vi er få og sit tett på kvarandre. Redaktør og journalisten i Vågå har kontakt fleire gonger dagleg. Kvar onsdag er alle samla i Bismo, og det er fellesmøte med alle tilsette kvar torsdag. Vi er med i LLAs avistevlingar og får ei uavhengig vurdering årleg. Vi deltek ikkje i Polaris sine tevlingar, der vi kjenner at vi ikkje har moglegheit å nå opp i nokon samanheng.

Journalistane har alle moglegheiter til å delta på kurs, men finn ofte ikkje rom for å gjera det i ein hektisk kvardag. Etter at redaktør gjekk frå 100 prosent stilling som journalist har dei skrivande ressursane i praksis vorte redusert i Fjuken.

Hans Erik Kjosbakken, ansvarleg redaktør

Kultur: Fjuken er ein kulturformidlar. Det vera seg kunstnariske uttrykk, men òg innanfor tradisjonar elles. Her er vi med til fjells for å vera med å restaurere ei gamal steinbu som vart reist for om lag 200 år sidan i samband med eit større vatningsanlegg. Slike anlegg var avgjerande for at bøndene fekk vatn til avlingane sine. Foto: Hans Erik Kjosbakken

Royalt besøk: Kronprinsparet besøkte Skjåk i 2019, og «heile» bygda tykte det var stas med slikt framandfolk. Foto: Tom Erik Solstad

Rydding og sikring: I Skjåk var bygda framleis prega av den store flaumen i 2018, og eit stort sikringsarbeid vart gjort. Foto: Tom Erik Solstad

Flaumfarekart og utvikling: Vågåmo, sentrum i Vågå kommune, er i fylgje flaumfarekart utsett for store øydeleggjingar. Dette avgrensar moglegheitene for mellom anna næringsutvikling, og vil bli ei sak som kjem til å få mykje merksemd framover. Foto: Arve Danielsen

Fjuken har i ein miniserie intervjua tre personar med psykiske utfordringar. Fleire enn vi trur slit med «usynlege» sjukdomar, og det er mellom oppgåvene våre å lyfte slike saker og tema fram. Den fyrste ut i denne serien var den kjende folkemusikaren Bjørn Kåre Odde. Seinare publiserte vi historiene til to kvinner. Sakene fekk mykje merksemd, og responsen har vore overveldande positiv særleg for dei som stod fram, men også for oss.